Me kërkesë të MPB-së, FFM-ja me vendim: Dy xhirot e fundit të pjesës vjeshtore, pa prani të publikut

Komisioni për gara në kuadër të Federatës së Futbollit të Maqedonisë u dërgoi informata klubeve nga Liga e Parë e Maqedonisë në futboll, se me kërkesë të MPB-së, dy xhirot e fundit të pjesës vjeshtore do të luhen pa praninë e publikut. Vendimi i Komisionit për gara është marrë për shkak të një vlerësimi të Ministrisë së Punëve të Brendshme për zhvillimet e fundit dhe parandalimin e çdo lloj dhune dhe sjelljeje joadekuate, gjatë dhe pas ndeshjeve të futbollit.