Putin: Perëndimi po teston vijat e kuqe të Rusisë, ne nuk do ta tolerojmë atë

Vladimir Putin hodhi një akuzë të guximshme kundër Perëndimit të hënën (16/12) gjatë një telekonference duke thënë se “Perëndimi po teston linjat e kuqe të Rusisë”, të cilat ai e bëri të qartë se nuk është i gatshëm t’i pranojë.

“Ambiciet e NATO-s kanë tejkaluar prej kohësh zonën e saj historike të përgjegjësisë… Vendet e NATO-s po rrisin shpenzimet ushtarake dhe po krijojnë grupe sulmi pranë kufijve të Rusisë”.

Në fakt, ai shtoi se Moska u detyrua t’i përgjigjet lëvizjeve të Perëndimit.
Ndër të tjera, ai tha se SHBA po inkurajon përshkallëzimin në Ukrainë duke dërguar armë dhe ndihma të tjera, duke shtuar se Rusia është e shqetësuar për zhvillimin e raketave me rreze të shkurtër dhe të mesme.

Putini deklaroi troç se armët bërthamore të Rusisë ekzistojnë për qëllime parandaluese dhe se Moska ka dorën e sipërme në frontin në Ukrainë.

“Së shpejti do të nisë prodhimi masiv i raketave Oreshnik”, kërcënoi ai edhe në lidhje me raketën balistike hipersonike që Moska ka përdorur tashmë kundër Ukrainës.