Kompania nga Likova po hetohet lidhur me gjashtë tenderë te Lotaria

Ripro Com eshte kompania me seli në Likovë e cila po hetohet për 6 tenderë që kanë të bëjnë me Lotarinë e Maqedonisë së Veriut, raporton Tv Alfa.

Siç transmeton portali Lideri.mk, bëhet fjalë për tenderë në periudhën 2022-2024.

Ndërkohë është bë e ditur se avokati Antonio Apostollski do ta përfaqësojë ish drejtorin e Lotarisë Shtetërore, Përparim Bajrami në rastin, për të cilin së bashku me ish zëvendës kryeministrin Artan Grubi dhe disa të tjerë është i dyshuar për keqpërdorim të rreth tetë milionë eurove në Lotari.

Informatën për MIA-n e ka konfirmuar vet Apostollski, i cili tha se Bajrami nuk ka ikur nga shteti, por tashmë disa muaj jeton jashtë shtetit.