Arrestohet i riu, me veturën e tij transportonte 10 migrantë

Policia sonte, pak pas mesnate, ka arrestuar një 19-vjeçar nga fshati Budinarc, në rajonin e Berovës, për transport të migrantëve.

Personi kishte vërejtur policinë dhe kishte tentuar të arratisej, por u gjet brenda një kohe të shkurtër. Gjatë kontrollit të automjetit, u gjetën dhjetë migrantë, nga të cilët tetë nga Turqia dhe dy nga Iraku.

Nga MPB informojnë se personi është arrestuar dhe ndaj tij do të ngrihet një kallëzim përkatës, ndërsa migrantët janë vendosur në qendrën pritëse në Gjevgjeli.