Tha se i pëlqen shumë Liga Premier, Inzaghi do ta marrë drejtimin e gjigantit anglez?

Një raportim së fundmi ka bërë bujë se Arsenali mund t’i ndajë rrugët me Mikel Artetan.

Trajneri spanjoll ka luftuar për titull të Ligës Premier në sezonet e fundit, por pa arritur të mposhtë Manchester Cityn apo Liverpoolin në garë.

Andaj, Arsenali thuhet se do të shkarkojë Artetan, pasi ka gjetur një trajner që tashmë di se si fitohen trofetë.

Simone Inzaghi, trajneri i Interit, është përfolur si një kandidat potencial për të zëvendësuar spanjollin në krye të ekipit londinez. Lajmi është raportuar të premten nga mediumi italian “Tuttosport”.

Inzaghi është vetëm një trofe larg nga të qenit trajneri më i suksesshëm i Interit. Aktualisht, kontrata e tij me nerazzurrët përfundon vitin e ardhshëm.

Në muajin nëntor, Interi i Inzaghit e mposhti Arsenalin në Ligën e Kampionëve, dhe gjatë asaj kohe, trajneri italian pranoi se kishte interesim nga disa klube të Ligës Premier për shërbimet e tij.