Dëborë dhe ngrica, pezullohet mësimi në disa shkolla në Kukës

Pezullohet mësimi në disa shkolla të Kukësit për shkak të motit të keq me dëborë.

Zyra vendore e arsimit parauniversitar në Kukës njofton se mësimi është pezulluar në njësitë administrative Shishtavec, Zapod, Bushtricë, Ujmisht, Malzi, shkolla Kalimash, Çinamakë dhe Mamëz.

Drejtoria vendore njofton gjithashtu se po vlerësohet situata edhe për shkollat në njësinë Topojan.