S’ka fitues pas 90 minutave, ndeshja Real Madrid-Celta Vigo shkon në vazhdime

Nuk ka fitues pas 90 minutave në ndeshjen e 1/8 së finales mes Real Madridit dhe Celta Vigos në Kupën e Mbretit.

Ndeshja në kohën e rregullt u mbyll me rezultat të barabartë, 2:2.

Kylian Mbappe kaloi vendasit në epërsi me një gol në minutën e 37-të të ndeshjes.

Vinicius Junior e dyfishoi epërsinë në minutën e 48-të pas asistimit të Brahim Diaz.

Celta Vigo ngushtoi rezultatin në minutën e 83-të me një gol të shënuar nga Bamba.

E në minutat shtesë, Celta Vigo shënoi një tjetër gol nga penalltia për ta dërguar kështu ndeshjen në vazhdime.