Mickoski: Është rinovuar Klubi i Deputetëve, ndërsa me Perinskin fillojmë me aktivitete në terren në komunat ku po ndërtohen projekte kapitale

Për mua është kënaqësi që sot jam këtu së bashku me Zllatkon dhe Ivicën në këtë objekt të rinovuar, mendoj se duhet të vazhdojmë të kujdesemi për pronën e shtetit, sepse ajo është pronë e përbashkët e qytetarëve.

Ka disa gjëra që në periudhën e ardhshme opinioni do t’i mësojë, një pjesë e pronës, përfshirë edhe atë që duhet ta përdorë dhe ta shfrytëzojë kreu shtetëror, nuk është e regjistruar në fletën e pronësisë, imagjinoni, shteti nuk e ka regjistruar atë as në fletën e pronësisë dhe as nuk është pronë e tij edhe pse “de facto” është kështu, por “de jure” nuk është dhe në një farë mënyre, fillimi i funksionimit të këtij objekti të rinovuar, i njohur si Klubi i Deputetëve, lidhet me fushatën që do ta bëjmë së bashku me Zllatkon në njësitë e vetëqeverisjes lokale, ku do të nisim projekte që janë pjesë e programit të Qeverisë për investime në komuna.

Periudha që vijon do të jetë dinamike, interesante, e mbushur me shumë projekte, diçka që qytetarët e kërkojnë, diçka që atyre do t’u nevojitet, prandaj, ju ftoj të na ndiqni, mendoj se është e rëndësishme që ky proces të zhvillohet në mënyrë transparente dhe që qytetarët nga afër të njihen me atë që do të punojmë si Qeveri përmes ministrive përkatëse, natyrisht, i gjithë ky proces koordinohet nga Ministria e Vetëqeverisjes Lokale.”