Dëshmitari Trajkovski ka marrë kërcënime para gjykimit për Vanjën dhe Pançen: Më kërcënuan të kem kujdes se çfarë flas, të mos bie në një humnerë

Në seancën e sotme gjyqësore për vrasjen e 14-vjeçares Vanja Gjorgjevska dhe Pançe Zhezhovski, dëshmoi dëshmitari Goce Trajkovski. Ai, deri para pak kohësh, ishte i paqasshëm pasi ishte në arrati si i dyshuar për një krim tjetër.

Para se të fillonte dëshminë, Trajkovski njoftoi se para seancës kishte marrë kërcënime që të ketë kujdes për atë që do të thoshte.

Dëshmitari Trajkovski tha: “Kam marrë kërcënime nga këta psikopatët e partisë, që të kem kujdes se çfarë flas, që të mos bie në një humnerë. Të dinë që nuk kam frikë, unë nuk jam një vajzë e vogël apo një i moshuar,” theksoi Trajkovski.

Kur prokurorja e pyeti se si mori vesh për zhdukjen e Vanjës, ai u përgjigj: “Kur u zgjova nga gjumi, pashë në Facebook që një vajzë ishte zhdukur. E thirra vajzën time, sepse ajo mësonte në të njëjtën shkollë. Ajo nuk e kapi, kështu që ngrita alarm, dhe e pyeta nënën time pse nuk po përgjigjet. Ajo më tha të qetësohem, është në orën e shkollës dhe po e ndjek nëpërmjet telefonit. Pastaj më telefonoi dhe më tha që vajza e zhdukur ishte te Sasha kumbari, tha dëshmitari.”

Ai shpjegoi se babai i Vanjës, Aleksandri, kishte qenë kumbar i tij në dasmën e parë, për shkak të një miqësie të vjetër. “Me Aleksandrin nuk kisha folur për 15-20 vjet. Nëna më tha të telefonoj dhe të pyes nëse ka nevojë për ndihmë. I thashë që më dukej e çuditshme sepse nuk kishim biseduar për shumë vite. Në mbrëmje, nëna përsëri më tha të telefonoj dhe më dha numrin e tij. I shkrova një mesazh dhe i thashë të më thërriste nëse kishte nevojë për ndihmë. Ai më ktheu mesazh duke thënë se ishte në stacionin e policisë dhe do të më thërriste pasi të dilte,” tregoi Trajkovski.

Ai theksoi se ata nuk ishin takuar ditën e parë, por kishin biseduar në telefon. “Folëm ditën tjetër dhe më tha nëse mund të marrim pamjet nga kamerat e ‘Lukoil’. Më pas më telefonoi dhe më tha që i kishte marrë vetë. E pyeta nëse kishte ndonjë dashnor Vanja apo nëse kishte ndodhur ndonjë problem, ai tha jo. Herën e parë që u takuam ishte para ndërtesës nga ku u kidnapua Vanja,” tha Trajkovski.

Dëshmitari shpjegoi se Aleksandri i tregoi rrugën ku kishte kaluar Vanja. Ai e ndoqi atë dhe kërkoi pamje nga kamerat e ndërtesave përreth. Në një objekt të parë, ata u thanë se kamerat nuk funksiononin, pastaj shkoi në një frizer që kishte pamje nga ndërtesa e vajzës. Ata menduan të kërkojnë pamjet vetë, pasi policët ishin të mbledhur dhe nuk po bënin asgjë, duke dukej sikur po luanin një lojë fshehjeje.

“Pronarja e ftizerit na dha mundësinë për të parë pamjet. I kthejmë kamerat pas për të parë nëse do kalonte Vanja këmbë. U habituam kur lokatori i telefonit tregoi se ajo po lëvizte aty, por ajo nuk kalonte. Kështu që kontrolluam nëse pamjet ishin nga një ditë tjetër, por pamë nënën e Vanjës, duke vrapuar me panik në orën 7:40. Vajza e frizerit na dha pamjet në një USB,” tregoi dëshmitari.

Pas kësaj, ai kërkoi pamje edhe nga një kafene aty pranë, por ata thanë se kamerat nuk kapnin rrugën. Më herët, disa policë i kishin marrë pamjet.

“U dëgjova edhe me një shok timin në ‘Safe City’ për të kontrolluar kamerat, rastësisht për të parë nëse ishte drejtuar për në park. Ai më tha se nuk e kishte parë. Ai më tha që të gjithë policët ishin të përfshirë dhe se të gjithë ishin të hutuar, duke u habitur që nuk kishte asnjë gjurmë, sikur të ishte marrë me helikopter,” tha Trajkovski.

Më pas, dëshmitari tregoi se kishte shkuar edhe në një këmbim valutash për të kërkuar pamje.

Gjykimi është ende në vazhdim.

Dëshmia e Trajkovskit është e rëndësishme, pasi ai ka siguruar pamje nga kamerat e sigurisë para se ato të arrinin në duar të policisë dhe ka lidhur dy ngjarje të ndryshme, zhdukjen e Pançes dhe Vanjës, si dhe dy automjete, njëri i zhdukurit nga Velesi dhe “Renault Kangoo” i partisë E djathta.