Edhe sa pengje mbeten në Gaza?

Shkëmbimi i sotëm peng-me-të burgosur bëri të mundur që gjashtë pengje të gjallë të mbajtur nga Hamasi të kthehen në Izrael – në këmbim, më shumë se 600 të burgosur palestinezë pritet të lirohen më vonë sot.

Kjo do të thotë se 63 pengje të mbajtura nga Hamasi mbeten brenda Gazës, raporton BBC, transmeton Gazeta Express.

Prej tyre, 36 besohet të jenë të vdekur dhe familjet e tyre janë informuar nga Izraeli. Kjo lë 27 pengje të supozuar të gjallë – megjithëse Hamasi pretendon se ky numër është më i ulët.

Për fazën e parë të armëpushimit, u ra dakord që Hamasi të dorëzonte 33 pengje.

Deri më tani, 25 janë liruar të gjallë, përveç katër trupave të kthyer në fillim të kësaj jave. Katër pengje të tjera për të cilët Hamasi thotë se janë të vdekur do të lirohen. Kjo do ta sillte totalin në 33.

Pesë shtetas tajlandez u liruan në fund të janarit sipas një marrëveshjeje të veçantë.

Më parë, 109 pengje u kthyen në Izrael në 2023 – shumica gjatë armëpushimit të përkohshëm të nëntorit 2023.

IDF ka shpëtuar tetë pengje dhe ka gjetur eshtrat e 41 të tjerëve, duke përfshirë tre pengje që i vrau aksidentalisht.