Vdesin disa fëmijë nga i ftohti ekstrem në Gaza, Izraeli kufizon hyrjen e ndihmave

Tre fëmijë humbën jetën për shkak të ftohtit ekstrem në Rripin e Gazës, ku Izraeli kufizoi hyrjen e ndihmave pavarësisht armëpushimit, raporton Anadolu.

Pavarësisht armëpushimit të arritur pas më shumë se 15 muajsh sulme izraelite, moti i ftohtë në Gaza, ku ka probleme me strehimin dhe ngrohjen për shkak të kufizimit të ndihmave, po shton vuajtjet e banorëve të rajonit.

Sipas lajmit të Agjencisë zyrtare të lajmeve palestineze, WAFA, të bazuar në burimet shëndetësore, 3 fëmijë në Gaza humbën jetën për shkak të motit të ftohtë ekstrem.

Burimet theksuan se gjendja e shumë fëmijëve në Gaza është “kritike” për shkak të motit të ftohtë.

Numri i fëmijëve të vdekur nga i ftohti në Gaza është rritur në 10.

Sipas të dhënave të Zyrë për Media i qeverisë në Gaza, më parë 7 fëmijë në Gaza patën humbur jetën nga i ftohti.

Më shumë se 61.000 palestinezë janë vrarë, përfshirë 14.000 të cilët u zhdukën nën rrënoja, dhe 2 milionë njerëz janë zhvendosur gjatë sulmeve të Izraelit në Gaza, të cilat kanë vazhduar për më shumë se 15 muaj.

Sulmet synuan gjithashtu spitale, shtëpi dhe shkolla ku u strehuan palestinezët e zhvendosur, duke shkatërruar 88 për qind të infrastrukturës së Rripit të Gazës.

Për shkak të bllokadës së gjatë të Izraelit ndaj ndihmave humanitare në Gaza, njerëzit e rajonit kanë nevojë për ndihma si ushqim, ujë të pastër, strehim dhe materiale ngrohjeje.