Ylli i filmave për të rritur fotografohet me kallashnikov në Afganistan

Në një kohë kur gratë në Afganistan nuk mund të largohen nga shtëpitë e tyre pa një shoqërues mashkull apo të flasin në publik, ylli amerikan i filmave për të rritur, Whitney Wright, u lejua të fotografohej edhe me kallashnikov në duar nga talebanët.

33-vjeçarja nga Oklahoma përveç fotografisë me AK-47 në dorë, është fotografuar edhe në atraksione të tjera turistike në Afganistan, por gjithmonë e mbuluar me veshje të zeza, një skenë ndryshe nga postimet e saj të zakonshme në rrjetet sociale.

Edhe pse talebanët nuk i kanë komentuar fotot e 33-vjeçares të realizuara gjatë Ramazanit, organizatat e të drejtave të njeriut i akuzojnë ata për “hipokrizi” pasi përdorin influencues për të paraqitur vendin e tyre si një destinacion turistik, ndërsa gratë afgane përshkruhen si “të burgosura në të njëjtin vend”.

Ky pretendim duket se konfirmohet nga postimet me përmbajtje turistike e influencuesve të tjerë të që kanë vizituar së fundmi Afganistanin.

Sipas kritikave të organizatave humanitare ndaj talebanëve, qeveria e tyre e re në Afganistan po shfrytëzon poste të tilla për të “zbutur” reputacionin ndërkombëtar të vendit dhe për ta paraqitur atë si të sigurt për gratë, diçka krejtësisht e kundërt me realitetin.