MSH: Aktualisht 69 pacientë po trajtohen jashtë vendit dhe nuk ka ndonjë ndryshim në gjendjen e tyre

Ministria e Shëndetësisë informon se aktualisht 69 pacientë po trajtohen jashtë vendit dhe nuk ka ndonjë ndryshim në gjendjen e tyre, krahasuar me ditët e mëparshme. Gjendja e pacientëve që janë në gjendje kritike gjithashtu mbetet e pandryshuar.

Aktualisht, në institucionet shëndetësore në Shkup po trajtohen 15 pacientë, dhe atë:
• Në Klinikën Kirurgjike “Shën Naum i Ohrit” – 6 pacientë,
• Në Klinikën e Kirurgjisë Plastike – 4 pacientë të ardhur mbrëmë nga jashtë vendit,
• Në Klinikën e Toksikologjisë ka dy pacientë (njëri i transferuar më herët nga Klinika Kirurgjike “Shën Naum i Ohrit”, dhe një tjetër që ka ardhur gjatë natës nga Spanja),
• Një pacient është i hospitalizuar në Klinikën e Pulmologjisë.
• Në spitalin “Sistina” po trajtohen dy pacientë.

Të gjithë pacientët që po trajtohen në institucionet tona janë në gjendje të qëndrueshme.

Ministria e Shëndetësisë vazhdon të ndjekë me kujdes gjendjen e pacientëve të lënduar dhe mbetet në komunikim të vazhdueshëm me ekipet mjekësore brenda dhe jashtë vendit, e përkushtuar për të ofruar kujdesin më të mirë të mundshëm për të lënduarit nga aksidenti në Koçan.