Dramë në Tetovë: Fëmija futet me dhunë në një veturë, sulmohet fizikisht me nje mjet metalik dhe kërcënohen me armë

MPB njofton se me datë 05.05.2025 në ora 23.00 dhe me datë 06.05.2025 në ora 01:00, zyrtarë policorë nga SPB Tetovë, kanë privuar nga liria personat Xh.D.(56) nga fshati Gajre e Tetovës dhe L.D. (52) nga Tetova, duke vepruar sipas kallëzimit të mëparshëm të 39-vjeçares Z.J. nga Xhepçishti i Tetovës se me dhunë e kanë futur djalin e saj të mitur në automjetin e tyre të pasagjerëve ,,BMW X5” dhe e kanë sulmuar fizikisht duke përdorur një send metalik. Sipas denoncimit, pasi ka arritur t’u ikë, Xh.D ka nxjerrë armën dhe ka kërcënuar të miturin. Ata janë denoncuar edhe nga B.Sh. (24) nga Tetova, se e kanë futur me forcë në të njëjtën veturë kundër dëshirës së tij, e kanë sulmuar fizikisht dhe i kanë kërkuar të identifikojë dy persona që dyshohet se i kanë marrë para vajzës së Xh.D. Ata po mbahen në stacion të policies dhe pas dokumentimit të rastit ndaj tyre do të ngrihen kallëzimet përkatëse.