Rrëshqitje të mëdha dheu në Kongo, 104 të vdekur dhe 28 të plagosur

Të paktën 104 persona kanë vdekur në përmbytjet në një fshat pranë brigjeve të liqenit Tanganyika, në pjesën lindore të Republikës Demokratike të Kongos.

Guvernatori i rajonit të Fixhit tha se fshati në rajonin e tij ka pësuar të paktën 104 vdekje dhe “dëme të mëdha materiale”. Tragjedia ndodhi teksa banorët e Kasabas ishin duke fjetur.

Shumica e viktimave janë fëmijë dhe të moshuar. 28 persona të tjerë u plagosën dhe 150 shtëpi u shkatërruan.

Shirat e rrëmbyeshëm bënë që lumi Kasaba të dilte nga shtrati, duke marrë me vete gjithçka që i dilte përpara, “gurë të mëdhenj, pemë dhe baltë, duke rrafshuar shtëpitë në brigjet e liqenit”.