“Nuk jam ndjerë kështu kurrë më parë”, reagimi i Hansi Flick pas titullit të Barcelonës

Trajneri i Barcelonës, Hansi Flick ka zbuluar ndjenjat e tij pas triumfit në La Liga për edicionin 2024/25.

Barcelona fitoi mbrëmë (e enjte) ndaj Espanyolit me rezultat 0-2 për të fituar matematikisht titullin për këtë edicion, kur kanë mbetur edhe dy ndeshje për t’u luajtur.

“Ndihemi vërtet si një familje e vërtetë. Ata më ndihmuan të jem i lumtur dhe të punoj me këtë pasion. Nuk jam ndjerë kurrë kështu më parë”, ka thënë fillimisht Flick në konferencën e tij të parë për shtyp si kampion i La Ligës.

Rivalitetin anash, Real Madridi e uron Barcelonën për titullin e La Ligës
Lexo po ashtu
Rivalitetin anash, Real Madridi e uron Barcelonën për titullin e La Ligës
Flick vazhdoi të përshkruante pikën kulmore të sezonit me një fjali të vetme.

“Vendimi më i vështirë i këtij sezoni ishte vendimi për portierin”, tha gjermani.

“Ndeshjet kundër Real Madridit kanë qenë më të mirat e sezonit. Momenti më emocional gjatë këtij sezoni ishte humbja e Dr. Minarro. Ne nuk e kemi harruar atë. Ai do të ketë gjithmonë një vend në zemrat tona”.

Lista e fituesve të La Ligas: Të gjithë kampionët nga fillimi – shihet dominim i Barcelonës këtë shekull
Lexo po ashtu
Lista e fituesve të La Ligas: Të gjithë kampionët nga fillimi – shihet dominim i Barcelonës këtë shekull
“Tani mund të kënaqem, gjatë ndeshjeve jam gjithmonë nën stres… Tani do të jem i qetë”, përfundoi trajneri i Barcelonës, duke qeshur.

Ajo që Flick arriti me Barcelonën këtë sezon është vërtet e jashtëzakonshme. Në fillim të sezonit, askush nuk i dha Barcelonës një shans pasi Xavi u shkarkua dhe u soll vetëm një lojtar me shumë para. /Telegrafi/