Salah fiton çmimin ‘Lojtari i sezonit’ në Ligën Premier dhe shkruan historinë
Mohamed Salah është shpallur “Lojtari i Sezonit 2024/25” nga EA SPORTS, duke u bërë vetëm lojtari i pestë në historinë e Ligën Premier që e fiton këtë çmim disa herë.
Sulmuesi egjiptian e kishte fituar çmimin më parë në sezonin 2017/18 dhe tani synon të bëhet lojtari i parë që e fiton atë tre herë pas nënshkrimit të një kontrate të re.
Salah ka pasur një sezon të jashtëzakonshëm, duke e udhëhequr Liverpoolin drejt titullit të dytë të Ligës Premier.
It had to be him…
Mohamed Salah is your @EASPORTSFC Player of the Season @LFC | @MoSalah pic.twitter.com/pY8pEjCruq
— Premier League (@premierleague) May 24, 2025
Ai kryeson ligën për nga numri i golave dhe asistimeve, me 28 gola dhe 18 asistime, dhe mund të bëjë histori të dielën duke u bërë lojtari i parë që fiton Këpucën e Artë, Asituesi i Artë dhe Lojtari i Sezonit në të njëjtën sezon.
32-vjeçari vazhdon të thyejë rekorde, duke u ngjitur në vendin e tretë në listën e golashënuesve më të mirë të të gjitha kohërave të Liverpoolit dhe në vendin e pestë në historinë e Ligës Premier me 185 gola.
Ai është bërë gjithashtu lojtari i huaj me më shumë gola në historinë e Ligës Premier, duke tejkaluar 184 golat e Sergio Agueros.
The season of Salah. pic.twitter.com/nN28UNPC7l
— Premier League (@premierleague) May 24, 2025
Salah fitoi çmimin pas një kombinimi votash të publikut dhe një paneli votash nga ekspertë të futbollit, duke kryesuar një listë të ngushtë që përfshinte shokët e ekipit të Liverpoolit, Virgil van Dijk dhe Ryan Gravenberc.
Ai i jep fund një serie pesëvjeçare të lojtarëve të Manchester City që fituan çmimin.
