Visar Ganiu ndanë 14 vendime pune për mësimdhënësit

Komuna e Çairit sot organizoi një ceremoni të veçantë ku u dorëzuan 14 vendime pune për mësimdhënësit nga katër shkolla fillore të territorit të komunës: “Jashar Bej Shkupi”, “Tefejjüz”, “Ismail Qemali” dhe “Hasan Prishtina”.

Kryetari i Komunës së Çairit, z. Visar Ganiu, theksoi rëndësinë e këtij hapi si pjesë e angazhimit të komunës për të përkrahur sektorin e arsimit përmes vendimeve konkrete që sjellin siguri dhe motivim për kuadrot arsimore.

Përmes këtyre vendimeve, Komuna e Çairit forcon më tej rolin e mësimdhënësve si shtyllë e zhvillimit të sistemit edukativo-arsimor dhe konfirmon përkushtimin për të ndërtuar kushte më të qëndrueshme dhe më dinjitoze në arsim.