Kompania zvicerane punëson robot – prodhon këpucë për 3 minuta dhe zëvendëson 300 punëtorë

„Zakonisht rreth 300 persona punojnë në një këpucë konvencionale“, shpjegoi Kaspar Kopeti, bashkëthemelues i On, sipas Swissinfo. Me teknologjinë Lightspray, këtë punë e kryen një robot, dhe këpuca është gati për tri minuta, tha ai.

Roboti spërkat një fijë plastike shumë të hollë dhe të fortë në formë spirale rreth kallëpit për këpucë mbi thembin ekzistues, në mënyrë që pjesa e sipërme e këpucës të formohet në një operacion të vetëm, pa qepje ose ngjitës.

Robotët vijnë nga grupi industrial ABB, me të cilin On ka bashkëpunuar ngushtë në zhvillimin e këtij procesi.

Këpuca mund të vishet si një çorap, sepse materiali shumë i hollë dhe pa skaje i pjesës së sipërme përshtatet drejtpërdrejt në këmbë, pa lidhësa.

Për më tepër, emetimet e CO2 gjatë prodhimit janë reduktuar për 75 për qind krahasuar me proceset konvencionale.

Gjithashtu përdoren shumë më pak materiale të ndryshme, që duhet të lehtësojë procesin e riciklimit në të ardhmen.