Kallëzim penal për mashtrim dhe falsifikim dokumentesh në Manastir

SPB Manastir ka ngritur kallëzim penal kundër dy personave nga Manastiri: I.O. (34) dhe J.O. (34), të dyshuar për vepra të ndryshme penale që lidhen me mashtrim dhe falsifikim dokumentesh.

Sipas policisë, I.O. dyshohet për kryerjen e veprave penale “Mashtrim” dhe “Përdorimi i dokumentit me përmbajtje të rreme”, ndërsa J.O. për veprën penale “Falsifikimi i dokumenteve”.

Hetimet tregojnë se I.O. është paraqitur në mënyrë të rreme si kryetare e një Shoqate për Sporte të Hipizmit dhe Mbrojtjes së Kuajve nga Manastiri. Duke përdorur këtë paraqitje të rreme, ajo ka mashtruar një person juridik nga Kumanova dhe përfaqësuesin e tij lokal – distributor nga Manastiri, duke mos shlyer borxhin për një dërgesë të kryer dhe duke shkaktuar dëm material në vlerë prej 570.000 denarësh.

Ndërkohë, J.O. ka falsifikuar dokumentin e gjendjes aktuale të shoqatës përmes një aplikacioni në telefonin e saj, duke manipuluar të dhënat në rubrikën “Persona të autorizuar”. Dokumenti i ndryshuar më pas është përdorur nga I.O. si provë e rreme në një marrëveshje bashkëpunimi të lidhur më 09.04.2024, që çoi në kryerjen e dërgesës së produkteve.

Materialet janë dorëzuar në Prokurorinë kompetente për veprime të mëtejshme.