Toshkovski në terren me policët e Shkupit, shqiptojnë 155 gjoba trafiku

Ministria e Punëve të Brendshme ka njoftuar se mes datës 24 dhe 25 korrik 2025, ministri i Punëve të Brendshme, Pançe Toshkovski ka qëndruar në terren me policët e Shkupit, ku prej orës 17:00 deri në ora 01:00 janë shqiptuar 155 gjoba trafiku.

“Gjatë kohës së kontrollit janë ndërmarrë masa kundër 155 pjesëmarrësve në trafik, prej të cilëve 51 sanksione për motoçiklistë. Prej tyre, shtatë janë për ngasje të motoçikletës pa patent shofer, 25 sanksione për ngasje pa kapelë mbrojtëse, tri masa për ngasje të motoçikletës pa provim të kaluar, tetë sanksione për ngasje të motoçikletës në kategori jo përkatëse, dy masa për kalim të motoçikletës në të kuqe, tri sanksione për mosrespektim të shenjës së policit, janë marrë edhe dy motoçikleta për shkak të skadimit të lejes së trafikut për më shumë se gjashtë muaj”, thuhet në njoftim.