Kërcënim me armë të ftohtë pas një konflikti për parkim në Vërtok

Më 25.07.2025, rreth orës 23:40, në Departamentin për Punë të Brendshme në Gostivar është paraqitur një rast kërcënimi me armë të ftohtë. Denoncimi është bërë nga S.M. (47) nga fshati Batincë i Shkupit, i cili ka raportuar se pas një mosmarrëveshjeje verbale për një vend parkimi para një objekti hotelerik në fshatin Vërtok të Gostivarit, një person i panjohur, që drejtonte automjetin e tipit “BMW” me targa gjermane, ka dalë nga vetura dhe e ka kërcënuar me thikë.

Policia ka nisur veprimet e nevojshme për zbardhjen dhe dokumentimin e plotë të ngjarjes, si dhe identifikimin e personit të dyshuar. Rasti po trajtohet në përputhje me procedurat ligjore në fuqi.TS