Tragjedi në Itali: Futbollisti 30-vjeçar vdes para syve të nënës së tij

Futbollisti italian, Luca Aluisi, ka ndërruar jetë në moshën 30-vjeçare pasi u rrëzua papritur në shtëpi, para syve të nënës së tij.

Ai kishte firmosur vetëm pak ditë më parë me skuadrën ASD Castell’Azzara dhe pritej të zhvillonte stërvitjen e parë me ekipin.

Pavarësisht ndërhyrjes së shpejtë të mjekëve, Aluisi nuk arriti të mbijetojë. Klubi e konfirmoi lajmin me një mesazh ngushëllues, duke e përshkruar si një lojtar plot entuziazëm e pasion për futbollin.

Presidenti i ekipit Marta, Massimo Natali, tha se Aluisi ishte “një djalë i sjellshëm dhe i përkushtuar”, ndërsa edhe kryetari i komunës shprehu dhimbjen për këtë humbje të rëndë, duke dërguar ngushëllime familjes së tij.