Sulmi izraelit në Jemen, IDF: Është vrarë i gjithë kabineti qeveritar i rebelëve Houthi

Ushtria izraelite vlerëson se një sulm i kryer së fundmi në Jemen mund të ketë vrarë të gjithë kabinetin qeveritar të lëvizjes Houthi, përfshirë kryeministrin dhe 12 ministra të tjerë, raportoi Channel 12.

Sipas medias izraelite, këto janë vlerësime paraprake dhe jo përfundimtare, pasi Forcat e Mbrojtjes të Izraelit (IDF) ende po analizojnë rezultatet e sulmit ajror.

Channel 12 shton gjithashtu se ministri i Mbrojtjes së Houthive dhe shefi i shtabit të përgjithshëm ishin nisur drejt vendit ku mbahej mbledhja pak para goditjes, dhe besohet se arritën në kohë për t’u gjendur në qendër të shpërthimit.

Ky zhvillim vjen në mes të tensioneve në rritje në rajon dhe ndërsa Izraeli ka paralajmëruar se do të përgjigjet ndaj kërcënimeve që vijnë nga territori jemenas i kontrolluar nga Houthit.