Haradinaj pas vendimit të Amerikës: Kosova po kalon ditët më të errëta në histori

Kryetari i AAK-së, Ramush Haradinaj, ka reaguar pas vendimit të Amerikës për pezullimin e dialogut strategjik me Kosovën.

Haradinaj ka thënë se këto janë ditët më të errëta në historinë e Kosovës.

Postimi:

Kosova po i kalon ditët më të errëta në historinë e vet. Ka një kohë të gjatë që unë dhe Aleanca kemi tërhequr vërejtjet tona për sjelljet e papërgjegjshme dhe destruktive të Kurtit dhe qeverisë së tij. Ndërsa sot gjendemi në një situatë që nuk ka mundur të paramendohet për Kosovën.

I ftoj të gjitha forcat politike dhe gjithë shoqërinë kosovare që urgjentisht të reflektojmë për situatën në të cilën gjendemi.