Hodhën librin e Kushtetutës dhe shishe uji ndaj Edi Ramës, përjashtohen 10 ditë nga Kuvendi dy deputetët e PD

Incidentet e një dite më parë në sallën e Kuvendit të Shqipërisë, teksa kryeministri Rama do të prezantonte programin qeverisë iu ka kushtuar rëndë dy deputetëve të PD-së.

Sekretariati i Etikës pranë Kuvendit vendosi të përjashtojë me 10 ditë nga punimet deputetët Gazment Bardhi dhe Fidel Kreka. Dy deputetët u kapën nga kamerat teksa hidhnin librin e Kushtetutës apo bidonë me ujë në drejtim të kryeministrit Rama.

Ndërkohë sot janë betuar përpara presidentit Bajram Begaj ministrat e rinj të kabinetit qeveritar të kryeministrit Edi Rama.

Një ditë më parë Kuvendi miratoi, ndonëse pa debat programin e qeverisë dhe përbërjen e Këshillit të Ministrave me 82 vota pro, asnjë kundër dhe asnjë abstenim. Për herë të parë në këtë mandat, në kabinetin qeveritar Rama do të jetë dhe një ministre digjitale, e quajtur “Diella”.