Sulm në Qendrën për Punë Sociale në Prilep: Punonjësja godet kolegen në vendin e punës

Një 45-vjeçare nga Prilepi është sulmuar fizikisht nga kolegia e saj ndërsa ndodheshin në vendin e punës në Qendrën për Punë Sociale në Prilep.

Sipas informacioneve të policisë, incidenti ka ndodhur më 21 tetor 2025, rreth orës 14:45. Gruaja e ka raportuar rastin në Sektorin për Punë të Brendshme në Prilep, duke deklaruar se kolegia e saj e kishte sulmuar gjatë ditës së punës.

Nga Ministria e Punëve të Brendshme kanë konfirmuar se po merren masa për sqarimin e plotë të ngjarjes dhe për përcaktimin e arsyeve që çuan në incident. Deri më tani, nuk dihen motivet e sulmit, dhe nuk është bërë e ditur nëse viktima ka kërkuar ndihmë mjekësore pas ngjarjes.

Policia njofton se pas përfundimit të hetimeve, do të ngriten padi përkatëse ndaj autoreve të sulmit.