Netanjahu urdhëron sulme të menjëhershme dhe të forta në Gaza

Benjamin Netanjahu u ka urdhëruar forcat izraelite të nisin sulme të menjëhershme dhe të fuqishme në Rripin e Gazës, duke akuzuar Hamasin për shkelje të armëpushimit që ka qenë në fuqi prej 10 tetorit.

Njoftimi erdhi nga zyra e kryeministrit në Tel Aviv. Konkretisht, në deklaratë thuhet: “Pas konsultimeve të sigurisë, Kryeministri Netanyahu urdhëroi stafin ushtarak të kryejë menjëherë sulme të fuqishme në Rripin e Gazës”.

Vendimi u mor menjëherë pas sulmit ndaj forcave izraelite në pjesën jugore të Gazës, i cili shkaktoi zemërim në Izrael, pasi ndodhën shkelje të reja të marrëveshjes së armëpushimit, duke përfshirë incidente që lidhen me kthimin e trupave të pengjeve.