Rinia e AKI-së: Koalicioni Vlen po degradon dinjitetin shqiptar (VIDEO)

Rinia e Aleancës Kombëtare për Integrim u mbledh sonte para komunës së Tetovës për të denoncuar atë që e quajnë nënshtrim politik dhe degradim të dinjitetit kombëtar shqiptar.

“Sot ndodhemi këtu për të ngritur zërin kundër një fenomeni të rrezikshëm që po e degradon jetën politike dhe dinjitetin e shqiptarëve në Maqedoninë e Veriut. Fjala është për koalicionin e ashtuquajtur “Vlen” — që çdo ditë e më shumë po dëshmon se nuk vlen as për fjalën e dhënë, as për parimet, e aq më pak për interesat shqiptare. Këta njerëz që dikur e nisën me premtime për ndryshim, sot janë bërë instrument i klientelizmit dhe i politikave ditore. Kjo nuk është politikë. Kjo është nënshtrim”, theksoi kryetari i Forumit Rinor të AKI-së, Art Zylbehari, njofton TS.

Sipas rinisë së AKI-së, çdo akt që degradojnë dinjitetin kombëtar do të gjykohet nga historia dhe populli.