Sulmet ruse ndaj infrastrukturës energjetike të Ukrainës, një person i vrarë

Të paktën një person humbi jetën dhe disa të tjerë u plagosën mbrëmë pas një serie sulmesh ruse që kishin në shënjestër infrastrukturën energjetike të Ukrainës, njoftuan zyrtarët ukrainas.

“Armiku po nis përsëri një sulm masiv ndaj infrastrukturës energjetike të Ukrainës. Për këtë arsye, ndërprerjet emergjente të energjisë elektrike u zbatuan në disa rajone,” deklaroi Ministrja e Energjisë, Svetlana Grinchuk, në një postim në Facebook.

Në qytetin e Dnieperit, në lindje të vendit, një ndërtesë nëntëkatëshe u godit nga një dron, duke shkaktuar vdekjen e një gruaje dhe plagosjen e gjashtë personave të tjerë, sipas shërbimit të emergjencës.

Autoritetet në rajonet Kharkiv dhe Suma, në verilindje të vendit, raportuan shpërthime të shumta, ndërsa në Odessa, në jug, sulmet ruse shkaktuan dëme të konsiderueshme në rrjetin energjetik.