Medai Shaholli: Urrejtja e Janevskës ndaj gjuhës shqipe !!!

Medai Shaholli

Telashet e Bilit nga ndërhyrjet e eprorëve të tij nuk kanë te sosur, “ku në një ngjarje për arsimin të mbajtur në Tetovë, në qytetin ku shumica e nxënësve mësojnë në gjuhën shqipe, ministrja e Arsimit, Vesna Janevska, duket se pati vështirësi të përshtatej me realitetin gjuhësor të vendit ku ndodhej.
Ngjarja dedikuar arsimit, për pak sa u shndërrua në një leksion mbi tolerancën gjuhësore” – siç njofton in7.

Përderisa gradonačallniku i Tetovës, Bili i vockël, u përgjigjej pyetjeve të gazetarëve në shqip, “ministrja disa herë e ndërpreu për të kërkuar që komunikimi të ishte më i shkurtër ose të bëheshin përkthime në maqedonisht, pasi siç tha ajo, duhet ta kuptojnë edhe ata që nuk e dinë shqipen”- bën të ditur in7.

Kjo ishte paraqitja pa filtra e shovenistes Vesna, para gradonačallnikut Bili, ( i cili eshtë mësuar nga eprorët e tij me ndërhyrjet e ndryshme gjatë paraqitjeve publike) pasi nuk e duronte gradonačallnikun duke folur shqip dhe nuk i pritej kur ta përkthente në sllavishten e saj.

Kjo ndërhyrje flet qartë për jotolerancen dhe pabarazinë gjuhësore e etnike që po manifestohet gjithandej brenda Severnistanit, sidomos pas ardhjes së “ndryshimit” të madh me vlenushkat në qeverinë e koalicionit, në krye me kryekomitin Micko.

Ky ishte “ndryshimi” që vleushkat i premtuan shqiptarëve për barazi gjuhësore dhe tolerancë ndëretnike, zhvillim dhe progres ekonomik, ku të gjitha investimet tashmë janë orientuar nga lindja e Severnistanit, ndërsa në pjesën perëndimore shqiptarët presin me sytë nga qielli, apo ca më keq akoma ata po përgatisin valixhen per t’ia mbathur drejt perendimit për nje jetë më të mirë, sepse u pa puna, ndryshimi i shumë premtuar nuk erdhi, përkundrazi, solli zhgënjim.