Shkëndija çerekfinalist i fundit në Kupën e Maqedonisë

Futbollistët e Shkëndijës janë çerekfinalistët e fundit në Kupën e Maqedonisë së Veriut, pasi pasdite në Tetovë fituan Tikveshin me rezultatin 2:0.

Golat i shënuan Alhasan në minutën e 43-të dhe Mazari në kohën shtesë.

Në çerekfinale kualifikimin paraprakisht e siguruan edhe fituesi aktual i Kupës Vardari, Struga, Rabotniçki, Sileksi, Ohri, Shkëndija e Haraçinës dhe Detoniti.

Dyshet çerekfinaliste do të përcaktohen me short, ndërsa ndeshjet do të luhen në pranverë.