Suat Shaqiri: Le ta ruajmë, ta duam dhe ta percjellim me krenari gjuhën tonë

Kryetari i Komunës së Çashkës, Suat Shaqiri, u bë pjesë e ceremonisë përkujtimore të Ditës së Alfabetit Shqiptar më 22 nëntor, një ditë që simbolizon unitetin përmes gjuhës, kulturës dhe historisë shqiptare.

Shaqiri, në cilësinë e kryetarit të komunës, u ftua në Manastir nga Ambasadori i Shqipërisë, Shkëlqesia e Tij Denion Meidani, për të marrë pjesë në aktivitetin zyrtar kushtuar kësaj dite. Ai theksoi rëndësinë e ruajtjes dhe promovimit të gjuhës shqipe si element kyç i identitetit dhe krenarisë kombëtare, njofton TS.

“Le ta ruajmë, ta duam dhe ta përcjellim me krenari gjuhën tonë,” u shpreh Shaqiri, duke nënvizuar rëndësinë e angazhimit të çdo qytetari për trashëgiminë gjuhësore dhe kulturore.

Ngjarja theksoi edhe një herë rolin e gjuhës shqipe si lidhje midis shqiptarëve kudo që jetojnë, duke forcuar unitetin dhe vetëdijen kombëtare.