Izraeli vret zyrtarin më të lartë të Hezbollahut

Ushtria izraelite ka vrarë një anëtar të lartë të Hezbollahut në një sulm ajror në periferitë jugore të Bejrutit, pavarësisht një armëpushimi, raportoi të dielën BBC-ja.

Siç raportohet, Ali Tabtai, shefi i shtabit të Hezbollahut, i cili ka mbajtur disa pozita të larta në grup, ka mbetur i vdekur.

Ministria e Shëndetësisë e Libanit tha se të paktën pesë persona u vranë dhe 28 të tjerë u plagosën në sulmin, i cili goditi një ndërtesë apartamentesh.

Hezbollahu konfirmoi vdekjen e Tabtait, duke shtuar se Izraeli ka kaluar vijën e kuqe duke kryer sulmin.
Sulmi është i pari i Izraelit në Bejrutin jugor prej disa muajsh.

Presidenti i Libanit, Joseph Aoun, i ka kërkuar bashkësisë ndërkombëtare të ushtrojë presion mbi Izraelin që të ndalojë sulmet dhe të tërhiqet nga vendi, duke thënë se veprimet izraelite janë shkelje e marrëveshjes që i dha fund konfliktit 13-mujor.