Kapet në flagrancë hajduti i manastirit në Gostivar – 55-vjeçari dyshohet për disa vjedhje të rënda gjatë muajve të fundit

Tetovasot raporton se më 23.11.2025, rreth orës 10:30, në lagjen Tullana të Gostivarit, zyrtarë policorë të DPB Gostivar kanë privuar nga liria G.A. (55) nga fshati Bellovisht i Gostivarit.

Sipas MPB-së, ai është kapur në flagrancë gjatë kryerjes së një vjedhjeje në manastirin “Shpërfytyrimi i Krishtit” (Преображение Христово), nga ku kishte marrë para.

Tetovasot mëson se i dyshuari dyshohet se përgjatë gjashtë muajve të fundit ka kryer disa herë vjedhje të rënda në të njëjtin objekt fetar në Gostivar.

G.A. është ndaluar në stacionin policor të Gostivarit, dhe pas dokumentimit të plotë të rasteve, kundër tij do të ngritet kallëzim përkatës penal. Hetimet po vazhdojnë.TS