Liverpooli fiton me golat e Isakut dhe Gakpos

Alexander Isak e ka shënuar golin e parë me fanellën e Liverpoolit, ndërsa Cody Gakpo e vendosi rezultatin përfundimtar.

Dhe me golat e sulmuesve Isak dhe Gakpo, Liverpooli e siguroi fitoren e parë pas humbjeve nga Manchester City, Nottingham Foresti dhe PSV Eindhoveni.

Liverpooli të dielën mbrëma fitoi 2:0 në udhëtim te West Ham Unitedi, në ndeshjen e xhiros së 13-të.
Isak, që në elitën angleze me Liverpoolin e shënoi golin e parë qëkur u transferua nga Newcastle Unitedi, realizoi në minutën e 60-të.

Ai u zëvendësua tetë minuta më vonë. Vendësit mbetën pa mesfushorin Lucas Paqueta, i cili mori dy kartonë të verdhë në minutën e 83-të dhe të 84-t, dhe u përjashtua nga loja.

Epërsinë numerike në fushë e shfrytëzuan mysafirët e udhëhequr nga trajneri Arne Slot. Gakpo në minutën e dytë të shtesës shënoi për 2:0.

Liverpooli me fitore tani ka 21 pikë dhe zë vendin e tetë.