Ish-lojtari i Barcelonës: Më detyruan të gënjej kur thashë se Messi është më i mirë se Ronaldo

I huazuari i dikurshëm i Barcelonës, Kevin-Prince Boateng, ka bërë një zbulim befasues rreth lëvizjes së tij të habitshme te gjigantët katalanas në vitin 2019, duke pretenduar se klubi në thelb e detyroi të gënjente për preferencat e tij në futboll.

Boateng tha se preferencat e tij të vërteta, të krijuara shumë kohë para transferimit, ishin që Cristiano Ronaldo ishte lojtari më i mirë në botë dhe Real Madridi ekipi i tij i preferuar (pas klubit të fëmijërisë, Hertha Berlin).

Megjithatë, sipas tij, Barcelona ia bëri të qartë se çfarë duhej të thoshte: “Mbaj mend që kur mbërrita në Barcelonë, menjëherë më pyetën kush ishte lojtari më i mirë në botë. Duhej të thosha që ishte Lionel Messi, gënjeva. Ishte një nga gënjeshtrat më të mëdha të jetës sime… Normalisht gjithmonë them të vërtetën, por gënjeva sepse ishte e vetmja mënyrë për të veshur fanellën e Barcelonës”.

“Unë gjithmonë kam mbështetur Real Madridin kur isha adoleshent. E dua Cristiano Ronaldon. Por ata më thanë se duhej të thosha ndryshe, përndryshe nuk do të luaja”, shtoi ai.

Boateng përfundoi se gënjeshtra ia vlejti, sepse ishte i dëshpëruar të luante për Barcelonën qoftë edhe një herë, edhe pse huazimi i tij nga Sassuolo zgjati vetëm gjashtë muaj dhe ai zhvilloi vetëm katër paraqitje.

Ai tha: “Doja ta vishja atë fanellë një herë në ‘Camp Nou’”.