Rusia i premton Indisë furnizim të pandërprerë me karburant deri në vitin 2030

Rusia do të vazhdojë të eksportojë produkte energjetike në Indi, Moska ka nënshkruar një sërë kontratash të reja me Nju Delhin “që do të forcojnë bashkëpunimin”, njoftuan presidenti rus Vladimir Putin dhe kryeministri indian Narendra Modi.

Modi deklaroi, në një konferencë të përbashkët për shtyp me Putinin, se Rusia dhe Kina kanë rënë dakord për programet ekonomike dhe diversifikimin tregtar në vitin 2030.

Ai tha gjithashtu se India po përpiqet të “lidhë sa më shpejt të jetë e mundur një marrëveshje të tregtisë së lirë me Bashkimin Ekonomik Euroaziatik, i cili përfshin Rusinë, Armeninë, Bjellorusinë, Kazakistanin dhe Kirgistanin”, raporton Reuters.

Putin deklaroi se Rusia është e gatshme të vazhdojë furnizimin me karburant të Indisë dhe se bisedimet me Modin ishin të dobishme.

“Rusia mbetet një furnizuese e besueshme e burimeve energjetike dhe e gjithçkaje të nevojshme për zhvillimin e sektorit energjetik të Indisë. Ne jemi të gatshëm të vazhdojmë të ofrojmë furnizim të pandërprerë me karburant për ekonominë me rritje të shpejtë të Indisë”, tha Putin.

Ai shtoi gjithashtu se sot u nënshkruan “kontrata të ndryshme që forcojnë bashkëpunimin me Indinë”.