Tragjedi në linjën Madrid–Andaluzia, rritet në 39 bilanci i viktimave

Bilanci i viktimave nga dalja nga shinat e trenave, që ndodhi të dielën në orën 19:39 në linjën e shpejtësisë së lartë Madrid–Andaluzia, është rënduar më tej. Sipas shërbimeve të emergjencës, janë nxjerrë të paktën 39 trupa viktimash nga rrënojat e vagonëve. Tragjedia ka ndodhur në zonën e Adamuzit (Kordoba).

Vetëm në trenin Iryo, që udhëtonte nga Malaga drejt Madridit, raportohet se kanë humbur jetën të paktën 21 persona dhe janë plagosur 22 të tjerë, sipas burimeve të kompanisë, e cila ka vënë në dispozicion një numër telefoni për familjarët e pasagjerëve (900001402).

Edhe kompania Renfe ka aktivizuar një numër falas për të dhënë informacion mbi pasagjerët e trenit Alvia.