Kthesa e Trampit ndaj Grenlandës, kancelari gjerman Merz: Është rruga e duhur

Kancelari i Gjermanisë, Fridrih Merz, ka folur në Davos, duke theksuar zhvillimet e fundit në Grenlandë, përfshirë tërheqjen e Donald Trampit nga kërcënimet e tij për të marrë Grenlandën me anë të shtrëngimit.

“Kjo është rruga e duhur për të vepruar, sepse çdo kërcënim për të përvetësuar territorin evropian me forcë do të ishte i papranueshëm.”, shtoi kancelari gjerman. “Nëse ShBA-ja do të vendoste tarifa ndëshkuese mbi Grenlandën, përgjigja e Evropës do të ishte e bashkuar, e qetë, e matur dhe e vendosur.”, theksoi Merz.

Ndryshe, Trampi prej muajsh pati paralajmëruar marrjen e kontrollit mbi Grenlandën, duke mos përjashtuar edhe përdorimin e forcës ushtarake, megjithatë në Davos ka qartësuar deklaratën, duke thënë se nuk do të përdorë forcë.