Tesla ndalon prodhimin e dy automjeteve elektrike, fokusohet te roboti humanoid Optimus

Tesla do të ndërpresë prodhimin e dy modeleve të saj kryesore të automjeteve elektrike, Model S dhe Model X, duke u përqendruar gjithnjë e më shumë në zhvillimin e robotit humanoid Optimus. Ky vendim shihet si sinjali më i qartë se kompania e Elon Musk po ndryshon drejtim dhe po largohet gradualisht nga biznesi tradicional i automjeteve elektrike.

Gjatë një konference për media të mërkurën, Musk deklaroi se prodhimi i modeleve S dhe X do të ulet që në tremujorin e ardhshëm. “Është koha që praktikisht t’i japim fund programeve të Model S dhe X,” tha ai.

Tesla po e përshpejton zhvillimin e Optimus, i cili mbështetet në përparimet e inteligjencës artificiale fizike. Kompania ka njoftuar gjithashtu një investim prej 2 miliardë dollarësh në xAI, kompaninë e inteligjencës artificiale të Musk. Sipas tij, Optimus pritet të jetë “produkti më i madh i të gjitha kohërave”.