LSDM: Maqedonia ka Maduron e vet
Qytetarët shohin çdo ditë se korrupsioni po lulëzon në Maqedoni për shkak të kriminalitetit të koalicionit të tenderave VMRO-ZNAM, thonë nga LSDM-ja opozitare.
“161 tendera për një kompani, 51 tendera për kompaninë e preferuar të VMRO-së përmes komunave, 9 milionë euro për një kompani me vetëm dy punonjës, 1.2 milionë euro për një kompani të afërt me ZNAM përmes Postës….5 ton drogë përtej kufirit, skandali më i madh i drogës në rajon ndodhi me drogë nga Maqedonia që u kontrabandua në Serbi”, thonë nga LSDM
Nga kjo parti theksojnë më tej se në vend të reformave në gjyqësor, qeveria merr kontrollin e plotë mbi gjyqësorin dhe prokurorinë dhe miraton ligje që nuk janë në përputhje me rekomandimet e BE-së.
”Nuk ka luftë kundër krimit dhe korrupsionit, por ka përpjekje për të mbrojtur kriminelët nga maja e qeverisë. E gjithë kjo e vendos Maqedoninë në grupin e vendeve si Burkina Faso dhe Tanzania, sipas Raportit të Transparency International për vitin 2025. Maqedonia ka Maduron e vet i cili po e çon vendin drejt izolimit të qëllimshëm nga BE-ja në mënyrë që grabitja të kryhet lirisht pas shpinës së qytetarëve”, shtuan nga LSDM (Skopje.mk)
