Kurti për stërvitjet serbe pranë kufirit: Po dëshirojnë ta cenojnë integritetin territorial

Kryeministri i Kosovës, Albin Kurti, ka folur për stërvitjet ushtarake serbe që po zhvillohen pranë kufirit me Kosovën, në afërsi të komunës së Gjilanit dhe fshatrave shqiptare si Breznicë dhe Muhoc.

Kurti ka thënë se ky është një provokim i Serbisë, e cila po dëshiron ta cenojë integritetin territorial të Kosovës.

Kurti ka thënë se për këtë u kanë shkruar edhe faktorëve ndërkombëtarë.

“Provokim i Serbisë që dëshiron ta cenojë integritetin territorial. Njësi që e kanë trajnuar kryekriminelin Radoiçiq në Banjë të Zveçanit. U kemi shkruar faktorëve ndërkombëtarë. Forcat tona janë të përgatitura, kufiri ynë është i mbrojtur”, ka thënë Kurti.