“Pagat e ministrave nuk duhet të jenë më të ulëta se 10 000 mijë euro”

Gjatë emisionit “Biznis 21” me Goran Rafajllovskin, u diskutuan tema të ndryshme ekonomike. Rafajllovski theksoi se pagat e ministrave duhet të jenë dukshëm më të larta, në mënyrë që të mbyllet debati i vazhdueshëm për pagat e politikanëve.

“Duhet të ndalet diskutimi se sa janë pagat e politikanëve. Nëse dëshironi të mos ketë vjedhje, atëherë ata duhet të paguhen mirë. Madje duhet të ketë edhe shpërblime nëse sjellin investime të mëdha dhe realizojnë me sukses projekte të rëndësishme. Nëse dikush sjell një investim prej një miliard eurosh, duhet të shpërblehet. Sa i përket pagave, e di që shumë do të më kritikojnë, por sipas mendimit tim ato nuk duhet të jenë më të ulëta se 10.000 euro”, deklaroi Rafajllovski.