Zvicra – Bosnja: Publikohen formacionet zyrtare, Granit Xhaka e nisë nga fillimi

Zvicra dhe Bosnja dhe Hercegovina po kërkojnë fitoren e parë në Kupën e Botës në Grupin B, në përballjen që zhvillohet në Los Angeles.

Zvicra ka arritur në fazën e 1/8 të finales në secilin nga tre Botërorët e fundit, por nuk ka shkuar kurrë më tej se kjo fazë.

Me eksperiencë më të madhe në këtë nivel, zviceranët synojnë ta nisin me fitore kampanjën e tyre dhe të jenë më efikasë para portës, pasi në ndeshjen e parë ndaj Katarit shënuan vetëm një herë nga 26 goditje.

Bosnja dhe Hercegovina barazoi me bashkëorganizatoren Kanada në ndeshjen e parë të turneut.

Të dyja skuadrat kanë publikuar formacionet për këtë përballje:

Zvicra XI: Gregor Kobel, Ricardo Rodríguez, Manuel Akanji, Nico Elvedi, Silvan Widmer, Remo Freuler, Granit Xhaka, Michel Aebischer, Dan Ndoye, Breel Embolo, Fabian Rieder.

Zvicra bën dy ndryshime nga ndeshja e parë, me Silvan Widmer dhe Fabian Rieder që zëvendësojnë Denis Zakarian dhe Rubén Vargas.

Bosnja XI: Nikola Vasilj, Sead Kolašinac, Nikola Katić, Tarik Muharemović, Amar Dedić, Kerim Alajbegović, Ivan Šunjić, Benjamin Tahirović, Amar Memić, Edin Džeko, Ermedin Demirović.

Bosnja bën tre ndryshime, me Ivan Šunjić, veteranin Edin Džeko dhe Kerim Alajbegović që hyjnë në formacion, në vend të Jovo Lukić, Ivan Bašić dhe Esmir Bajraktarević.