Zëvendëskryeministri i Parë Bekim Sali realizoi takim me Ambasadoren e Mbretërisë së Danimarkës

Shkup, 22.06.2026 – Zëvendëskryeministri i Parë dhe Ministri për Çështje Evropiane, Bekim Sali, zhvilloi sot një takim pune me Ambasadoren e Mbretërisë së Danimarkës, Sh.S. Pernille Dahler Kardel, gjatë të cilit u diskutuan marrëdhëniet bilaterale ndërmjet dy vendeve, procesi i integrimit evropian të Republikës së Maqedonisë së Veriut dhe mundësitë për thellimin e bashkëpunimit në fusha me interes të përbashkët.

Ministri Sali shprehu mirënjohjen për mbështetjen e vazhdueshme që Danimarka i ofron vendit në procesin e reformave dhe në rrugën drejt anëtarësimit të plotë në Bashkimin Evropian.

Bashkëbiseduesit shkëmbyen mendime edhe për zhvillimet aktuale në rajon, sfidat evropiane dhe rëndësinë e forcimit të bashkëpunimit ndërmjet vendeve partnere për promovimin e stabilitetit, sigurisë dhe prosperitetit.

Në takim u riafirmua përkushtimi i përbashkët për avancimin e marrëdhënieve miqësore dhe bashkëpunimit të ngushtë ndërmjet Republikës së Maqedonisë së Veriut dhe Mbretërisë së Danimarkës.