Ikballe Huduti “person i padëshiruar” në Shqipëri/ Urdhri nga Ministri i Brendshëm: Kërcënim për vendin!
Ministri i Punëve të Brendshme, Besfort Lamallari, ka nxjerrë urdhrin për shpalljen “person i padëshiruar në Republikën e Shqipërisë”, për një periudhë 15-vjeçare, për Ikballe Huduti Berisha.
Ky vendim bazohet në informacionet e grumbulluara, sipas së cilave, veprimtaria e kësaj shtetese vlerësohet si kërcënim për vendin, sigurinë kombëtare, si dhe rendin e sigurinë publike.
Urdhri i Ministrit të Brendshëm Lamallari i është dërguar për zbatim Policisë së Shtetit dhe strukturave të Drejtorisë së Kufirit dhe Migracionit.
Ikball Huduti Berisha është shtetase Kosovare, ajo ka lindur dhe shkolluar në qytetin e Prizrenit ajo ka mbaruar Medresenë.
Ikballe Huduti Berisha njihet për lidhjet e saj me regjimin iranian të Ajatollahëve, si dhe ka bërë thirrje publike kundër rendit kushtetues në Shqipëri. Po kështu është shfaqur publikisht krah ish-Presidentit të Iranit, Mahmud Ahmandinexhad. /abcnews.al
