Arrestohet në Tetovë shtetasja shqiptare, dyshohet se mashtroi një 67-vjeçar për 3.400 euro

Policia e Tetovës ka arrestuar N.B. (65), shtetase e Republikës së Shqipërisë, nën dyshimin për veprën penale “mashtrim”.

Sipas denoncimit, ajo ishte prezantuar rrejshëm si profesoreshë universitare dhe kishte bindur një 67-vjeçar nga Tetova t’i jepte gjithsej 3.400 euro, duke pretenduar se vajza e saj kishte pësuar aksident në Francë dhe i duheshin para për mjekim.

Pas zbardhjes së plotë të rastit do të vijojë procedura përkatëse raporton Tetovasot.