Çekia mbështet anëtarësimin e RMV-së në BE! Macinka: Do të bëjmë çdo gjë të nevojshme

Republika Çeke shpreh mbështetje të plotë për anëtarësimin e Maqedonisë së Veriut në Bashkimin Evropian, ndërsa Praga është e gatshme të ndihmojë vendin me përvojën e saj dhe të bëjë gjithçka të nevojshme që procesi të përshpejtohet, tha ministri i Jashtëm çek Petër Macinka i cili po qëndron për vizitë zyrtare në Maqedoni.

Ministri Timço Mucunski theksoi se integrimi evropian mbetet prioritet strategjik, ndërsa vendi është i gatshëm të zbatojë reformat, duke kërkuar një proces të besueshëm, të parashikueshëm dhe të bazuar në merita. Në takim u diskutua edhe për forcimin e bashkëpunimit ekonomik, investimet, energjinë, infrastrukturën dhe sigurinë, me të dyja vendet që si anëtare të NATO-s theksuan rëndësinë e stabilitetit në Evropë dhe Ballkanin Perëndimor.