Zjarr në oborrin e shkollës “Kiril dhe Metodij” në Tetovë, digjen panelet për ndërtimin e pishinës

Një zjarr ka shpërthyer në oborrin e SHMQSH “Kiril dhe Metodij” në Tetovë, duke shkaktuar dëme materiale.

Ngjarja është raportuar më 6 shtator rreth orës 14:45. Sipas policisë, flakët kanë përfshirë disa panele ndërtimi të destinuara për ndërtimin e një pishine të mbyllur në oborrin e shkollës.

Fatmirësisht nuk ka persona të lënduar. Zjarri është lokalizuar nga Njësia Territoriale Kundër Zjarrit në Tetovë, ndërsa Prokurori Publik dhe policia kanë nisur hetimet për zbardhjen e shkaqeve të zjarrit.TS